dem seh pickney wi mad u if u met dem, but nobody neva tell

[evanovitch]

me seh dawg wi dweet to....hear mi now....mi mek steak n cut it up fi dem two likkle eediat dawg yah...dem look pon mi like mi diss dem...so tru mi had two beef rib fi tomorra ,mi decide fi juss put dem eena dem dish see wat dem wi nyam....

now look how late it is...mi go upstairs go see di female siddung up pon di leather sofa wid di raw beef rib eena har mout..di male siddung pon di floor like him juss a wait fi it slip from har grasp....now is two rib deh eena dem bowl u know...so u know seh mi cuss n gwane bad bout dem having food pon di couch an tek di rib so put back eena di bowl

di two a dem come downstairs...mi neva pay dem no mind..dem deh yah a mind dem biznin , mi a mind mine...all of a sudden mi hear a growl...mi look up cause mi recognise dat sort of growl..it mean some territorial mess....kiss mi neck..no di said raw beef rib dis female dawg bring come dung stairs , puddung an a guard it...weh di rahtid do dem..dem each ha one but is juss dis one dem a fight ovah

so mi tek it up again, a cuss a mi walk bak upstairs n put it bak eena di bowl...mi all look pon di rib fi see how much nyam...not a striking bite tek outta di meat...dem juss a circle di one rib fi no reason odda dan one tek it up n di odda want it

now mi dung stairs n is one piece a barking a gwane upstairs n tings a move rung like dem a rearrange furniture...now mi haffi go bak up deh fi di upteen time n mi a tek di two rib dem so put dem eena di fridge till tomarra..

dem two likkle dawg come een like pickney to rahtid...mi cannot believe how dem behave so...juss a walk all ovah wid di one so so rib n di nex one siddung deh lonely since none a dem no wan pick it up...ahhhh sah

mi a go put dem eena time out n put dem to bed..dis is foolishniss..u wan hear di barking whe a gwane up deh...

yep mi go up,..she a hole di rib eena mout wid him a circle n bark..so mi tek up di two rib n put dem eena di sink..now dem gawn up fi look up at di sink...if mi hear one more bark mi a tump dem dung...cho...spoilt likkle fools..two ribs n dem a fight ovah juss one

[Tuff Gong]

Re: dem seh pickney wi mad u if u met dem, but nobody neva tell


You know that without modern man there would be no dog and vice versa right?

[turtledude]

Re: dem seh pickney wi mad u if u met dem, but nobody neva tell

it's called "cabin fever", evan.

[mountaingal]

Re: dem seh pickney wi mad u if u met dem, but nobody neva tell

i'm going to channel cesar millan and say that a very dysfunctional relationship is developing in ur household wrt to u an di dawg dem. it gwine get outta hand soon if u no tek step.