If yuh can drive here you can drive anywhere

[Wendy]

Re: If yuh can driver here you can drive anywhere

<div class="ubbcode-block"><div class="ubbcode-header">Quote:</div><div class="ubbcode-body"> Plus nuff a dem dey pon cellphone or texting.
</div></div>

As yuh sey dat ... laas time mi go home mi witness wan hand cyart man lik up ina wan Van cause im dey pan di cellphone a push di cyat troo di crowd an naah pay attention.. Mi sey wan peica argument

Nutten neva happen to the van odda dan wan scratch but di Han cyart bway a complain sey di man Van mash up im front en .. a nearly dead

[Wendy]

Re: If yuh can driver here you can drive anywhere

<div class="ubbcode-block"><div class="ubbcode-header">Originally Posted By: CeaBee</div><div class="ubbcode-body">me nuh drive there when me visit...cause if me mash up the car a nuf fi me car me a mash up.

dem taxi and bus driver scary sah

</div></div>

Yuh a talk bout scary ..Mi sey mi have wan cousin who tek mi roun when mi dey Kingston an im have wan peica cyar dey wey jus have TWO seat in dey an when im draw gear di cyar a rock back an fort an if yuh noh mine sharp yuh get cankussion when yuh head lick pan di head ress.

Wan day im come pick mi up fi carry mi goh Port Royal an mi had mi daughta wid mi .. mi ask im why on eart im bring dat dey cyar an know mi have di baby .. Typical Jamaican &quot;Shi arite man.. juss ress har ina yuh lap an wi safe&quot;.

Well wi an wi Journey an wi si a speed trap ahead .. im bawl out &quot; POLICE - shub har head down Wendy&quot;

Mi a look dung pan di lickle space an wonda which part mi ago shub fi har head now (massi Jesas help mi).. Mi tell har fi come affa mi lap an kneel down tim wi pass di trap. Mi sey mi neva soh scared ina mi life cause any how police did ketch wi wid har pan mi lap soh .. mi noh know wah woulda happen. A noh ask if im noh drive bad. But noh ride neva sweeta fi mi daughta..Pure teet yuh si all di way