so di gossip is good

[evanovitch]

yeah mi dear it good fi true

[evanovitch]

Re: so di gossip is good

den wat u tink of it...u tink anyting go so fi true

[evanovitch]

Re: so di gossip is good

welllll, u done know seh I is not one to gossip so u neva hear it from me, but as ole time people seh, if a no so, a near so

[evanovitch]

Re: so di gossip is good

true dat, true dat, but mi no tink seh smaddy coulda so wutliss...nah man..dem fi do betta dan dat..no true

[evanovitch]

Re: so di gossip is good

u would tink so but a go di ting gwane...wat can gwane a dawk dem no wan come to light

[evanovitch]

Re: so di gossip is good

baxide but a true ting u a seh....but chile, mi woulda did neva expek dat r tink dat of dat deh smaddy...afta dem gwane like dem a supply dem [censored] to Tastee as prime beef

[evanovitch]

Re: so di gossip is good

mi no know y u soooo surprise....as if u neva hear bout neva see come see

[evanovitch]

Re: so di gossip is good

u no easy u know...u really naw padlock u lip fi true

[evanovitch]

Re: so di gossip is good

whe fi do...but a likkle bud tell me seh is so it go....<span style="font-style: italic">mek mi look rung so mek sure seh no odda likkle bud a lissen me</span>...welll now, u see di big house whe up a <span style="font-style: italic">hole awn deh...a wat dat a burn up...oh lawd, mi figet seh di dawg food deh pon di fyah...a soon come wid di story </span>

[Hush Darlin]

Re: so di gossip is good

so let em in pan de gassop noh Vannie

[evanovitch]

Re: so di gossip is good

u know seh mi siddung yah a chat to u an mi dawg food nearly bun up....is a sign from gawd mi a tell u..now before mi tell u how it go we a go haffi ha u do likkle swearing cause mi no ha no money yah now fi pay fi padlock pon any bullfrog mout

[evanovitch]

Re: so di gossip is good

me mah...a mi u a chat so too...meee who no gossip, lightening strike me yahso if my name evah cawl up eena any susu...

[evanovitch]

Re: so di gossip is good

den hole awn deh...a no u tell mi lass week bout di big man an him downlow bizniz

[evanovitch]

Re: so di gossip is good

but dat wasnt gossip...dat was news cause is read Pearl read it eena di paypah n tell Curoo who tell Cutie who mention it to Boysie who seh to Dulcie dat Headas did seh di gardna who wuk fi Missa Chin know di garderna of di man in question n is long time him a see di almshouse flexing but as a man of gawd him ongle mention it to fambily so dat fi him name cudden cawl eena court

[evanovitch]

Re: so di gossip is good

hole deh again...mek mi go see if dis dawg food cool enuff....dem dawg a eye me like seh if push come to shove mi wud mek dem meal yah so now