accident

[Peasie]

Re: accident

<div class="ubbcode-block"><div class="ubbcode-header">Originally Posted By: SistaCtry</div><div class="ubbcode-body">so whappen u no have no confession fe mek </div></div>

Gen so tappanari dat shi eat har patty in limousine, mi dear. Driving is so proletariat

[sistactry]

Re: accident

<div class="ubbcode-block"><div class="ubbcode-header">Originally Posted By: Peasie</div><div class="ubbcode-body">Gen so tappanari dat shi eat har patty in limousine, mi dear. Driving is so proletariat </div></div>

a true Gen,

old age a tun me inna eediat driver now - me say, no man, dat really and truly shudden happen to me

den every time smaddy run inna mc donalds, hubby a laaf after me, memba when u run come inna de house a bawl out say come come look whappen

[Nunya]

Re: accident

Since de talk seem to tun to patty, it remind a de time when two girl eena firs form stawt fight ova one patty

Mi say, one piece a crawbing an hair pulling an dem ting deh! When it dun, an de winna get de patty, she siddung a har desk ready fi eat ie, an smaddy go walk by an dem frack tail go brush ova it.



So in de en she neva nyam ie... Afta all dat fighting. Ah mean, yuh shouldan si how my girl did look: some a har hair pull up outta de clip dem an tan up pan har head like dem a go try mek a move an run whe... har blouse collar crunch up an tan up pon one side an de adda side unda har uniform an dem way deh...

She no nyam de patty. Fling it eena garbage. An de two a dem siddung a blow like dem name bull...

I'm starting to think that patty has evil tendencies... A whichawt de conspiracy theorist dem deh...???

[Peasie]

Re: accident

Patty bring on war!

[Nunya]

Re: accident

We need a patty smilie!!!!

[sistactry]

Re: accident

a from wha day me a talk bout patty to eno

patty evah bun u yet,

de odder day me buy one patty, and cudden wait fe eat it, bun up me tongue, so u know me cudden enjoy it afta dat,

is a art to eating and enjoying a patty eno,
a no every body can say dem know how fe eat patty

den u have de ones who waan eat patty and drive,

and we see de effects a dat,

[Peasie]

Re: accident

Instructions on How to Eat Very Hot Patty:

1. Carefully remove patty from paper bag

2. Lay straight seam on top of paper bag

3. Open curved patty seam. Carefully.

4. Let steam out.

5. When steam has subsided, close patty.

6. Eat.

DO NOT ATTEMPT THIS WHILE DRIVING

[sistactry]

Re: accident



faaat, all a dat deh, no bra, dat a go tek too long



wha u do is, tek a small bite pan de corner.....tek time, memba it hot, den when u see de hole, u blow like raaa inna de patty, but mek sure fe tek whey ur head, u no waan scale off ur forehead needda

now dat is how u eat a patty