Tweet
Toppa-top lawyer gay wedding
Tambareen fambily an mix-up nation big up unu good-up good-up self. An propa respek to all a mi ghettoites bout di place. Mi a move straight to di mix-up as usual!
People, a helleva mix-up buss a France involving some Jamaicans. Mi hear say a bredda who is a toppa-top lawyer tell him parents an all a him gingeration say him a get married. Him parents dem a Jamaicans an him mada mussi ends out inna di south Florida, USA, area.
Mi hear say di bredda is a real good looking hot bwoy and a star inna him profession. Him tell him parents an a whole heap a people say him a get married to smaddy name 'Michelle'. A did bare excitement and anticipation leading up to di wedding. An a all di way inna Paris dem did a goh shot it.
Mi hear say wen everybody turn up an ready fi big wedding between bride and groom, di people dem nearly dead fram shock wen dem see di big lawyer from Jamaica a fahwud inna a bridal dress!! Den dem notice say him did a get married to a MAN! A white man! Yeah, him really did a get married to a 'Michelle' fi true, but it really was 'Michel', pronounced the same way in French, but is the name of a man. It was pandemonium afta dat. Bangarang inna di place!! <span style="font-weight: bold">Mi hear say di muma plead di blood of Jeezas pon har son an di wedding an talk up a bag a tings an bun out di wedding.
</span>
date women
Nuff people did a wonda a wa coulda cause di bredda fi do wa him do. An a soh di person who gi mi di mix-up staat explain di ting to mi. It look like while di bredda did a date women, him did also a goh through a bag a drama wen him did a grow up. Apparently, wen him did likkle bit dem used to leave him fi stay wid a relative down a Vinyard Town. An fram dem time deh every time dem lef him dung deh a relative did always a rape him him off! Den him mada did find out wa did a happen to him and was alarmed bout di whole ting. Soh she decide fi carry him to a psychiatrist fi get treatment fi wa did happen to him. Di psychiatrist was a man. But eventually di psychiatrist staat to also sexually abuse him. Yeah, every time him in deh wid di psychiatrist an suppose to a get therapy fi wen him male relative did constantly a rape him di damn psychiatrist in deh a gi him di same ting! Ole wicked dem! But me hear say a dat bruk out di yute, an fram dat him couldn't leggo di gay ting.
If di mix-up a true, den it mean say di bredda did goh through some serious trials and tribulations wen him a grow up. Even so, it still look a way say dem neva inform di people dem say a two man a get married. If dem did tell di people dem before di wedding, some people would have had the opportunity to not attend if they so choose. But mi guess from di perspective a di 'bride'an di groom it shouldn't matta to whom each person a get married. Dem woulda probably argue say as long as each a dem happy wid who dem a married den dat should be di end a di story. But it look like it did still dusty pon di muma. Dat rough still.
Di smaddy who gi mi di mix-up swear by it. An if a really soh it goh, mi naa lie, mi woulda love fi de deh jus fi experience di mix-up inna real life. Maaaaawd!!
Anyways, bless up unuself an gwaan pree till nex Tuesday. Protection