Mi want mi money

[evanovitch]

If mi dat bad, u should a beg , borrow n beseech fi pay me so mi can tan bad by miself

[evanovitch]

Funny how mi was approachable not to mention so nice dat u form u mout fi call n borrow....n now because u no wan pay mi back , mi so awful.....mi wan mi money n di more mi tink bout u renkness di more mi want it...an yes, wen u pay mi , mi an mi money wi live wid wi one anodda

[evanovitch]

Call u nice , deestant fren dem bout di place n pass di plate so borrow from dem...mi wan mi money....2 yr long enuff

[Emperah]

Yes yuh an yuh money fi deh, if anybody cyaaree guh a road dem fi cyaaree back.
brite an houttadah.

[evanovitch]

Yes yuh an yuh money fi deh, if anybody cyaaree guh a road dem fi cyaaree back.
Brite an houttadah.

u know from lass nite it occur to me seh dat if mi soooo terrible how come dem neva fraid fi mi dem time deh....mi ha bad name yet still mi money neva seem fi ha it too...u know how much time n phone call mi spen fi help dem wen dem call in panic n need...n den wen dem find dem way n dem cumbolo come cuss mi out cause dem no live up to dem promise...is not me mek di terms...is dem...n to add insult to injury seh mi no had dem welfare....no dem welfare dem did borrow fi rectify...no man...mi a get cuss leff right n centa but mi money no seem fi ha di said reputation...well sen it gi mi n mek mi an it live in lonliness...since is dat it come dung...bout me an mi money wi be lonely....well yes...but mi haffi ha it fi di two a wi experience di lonelines...no star....mi tyad a siddung wid mi lip kibba n people tek libatty wid me tru mi no leggo pon dem...well di year end in 13 n since it already uneven mek mi buss ....mi wan mi money

[missus_vegas]

lawd gad

nuff interest dae eino...

Vannie we did have one man in mi district and in the latter part a him life him get loco. looking back now i think it may have been dimentia or some one a dem tings... neways him use to run dung ppl and a shout

"mi waan mi money. mi say fi gimme mi mi mone"

all u needed to do was walk past him and then wave a bill in his face. dat man will falla u from here to the moon.

[evanovitch]

lawd gad

Nuff interest dae eino...

Vannie we did have one man in mi district and in the latter part a him life him get loco. Looking back now i think it may have been dimentia or some one a dem tings... Neways him use to run dung ppl and a shout

"mi waan mi money. Mi say fi gimme mi mi mone"

All u needed to do was walk past him and then wave a bill in his face. Dat man will falla u from here to the moon.

mi no no man eena no district...mi put up wid nuff fawt from people who mek odda people tink mi dis n dat...n di more mi a tink pon it mi a wonda y mi a put up wid it...mi wan mi money...if mi bad, mi money bad too...mi a wonda y mi siddung yah a wait in vain wile smaddy a feel seh tru dem feel bad dem fi mek me feel bad...n di ting is dat mi really did a feel a way cause mi no need money...a no my problem dat...but mi wan mi money...n mi a go seh dat until mi get mi money...mi no ha no way fi reach di smaddy since dem cuss mi tru dem feel bad...tek premptive strike n put me pon di defensive...well, u can block, u can no ansa , u can do all n more...mi naw run u dung cause mi neva a run u dung...u call n get help since dat , owing from di fuss...but all of a sudden u get big n brave n tink seh u can tell big ooman weh u tell dem.....mi waaaaan mi money....mek mi leff from yah fi real...cause di more mi tink pon it , di more mi vex....but mi wan mi money...borrow from u big fren dem n u shudda glad seh mi neva a charge u interest....but u a di lass smaddy tek libatty wid di i...fi real...but mi waannnnnnnnnnn mi money n mi no feel no way no more...u rasss facety

[j-kid]

Neva len money tuh family an frens yuh kno hav ah bad attitude or bad payment history noh mattah di sob story. Eida yuh gwine gi it tuh dem, but noh len dem. Dem kina people hav short memory dat yuh kept ah dry roof ova dem head, or food pan dem table. Wen time com fi pay dem waa get stink wid you ova dem agreed responsibility, as if, "how dare yuh want yuh funds back!". Well, nex time dem com, yuh sen dem ah bank soh dem can gi dem life story tuh strangers, provide collateral, an pay loan interest. Business is business. Som people are truly amazing.

[R00TS]

Ride their *** Evan!
ride it hard!

[blugiant]

If mi dat bad, u should a beg , borrow n beseech fi pay me so mi can tan bad by miself

stapp eeth evan

yu shood kno doan lend money iff yuh cyaan do widdout itt ann xxpectinn fe git itt bakk. mii learn dat troo xxperience. surprise dem neva ask fe barraw sum more since yuh givinn money away

[j-kid]

Fact is, dem neva hav any intention fi pay it back.

[kia027]

Fact is, dem neva hav any intention fi pay it back.

^^
this!!

but the point is dem shoulda pay it back anyway when it was clear it was a loan, even iffa $5 a month. People wrong fi borrow and no pay back, speaks volumes about dem, esp if u a see dem palave all bout and u know seh dem a spend $$ fi palave

[My Looh]

The thing that bothers me most about the people I have LOANED money to and have never paid me back in the past is not so much the fact that I lost the money itself, it is the fact that the experience has made me very suspicious of new people I meet and made it very difficult for me to trust anyone. I tend to expect the very worst from people and am genuinely surprised when someone actually keeps their word to me.

[j-kid]

Use tuh bi ah time wen ah J'can man/ooman's word, or handshake was good as gold. Wha happen tuh wi?!

[kia027]

Use tuh bi ah time wen ah J'can man/ooman's word, or handshake was good as gold. Wha happen tuh wi?!

Similar thing happened with a niece with another niece, but with a cell phone. Peoples values have changed and dem noh realize what goes around comes around.