Di odda ooman

[johnnycakes]

Re: Di odda ooman

Wait until all three of you are home.
Get your daughter in another room and start a conversation about the other woman, the Barby doll house, the other daughter's name should be included and everything else that you have already heard and as soon as your daughter is into the discussion, both of you should walk into the room the suspect is in and continue the conversation making sure he hears it and watching his face every second.

Sorry about this..

[CyberPhobic]

Re: Di odda ooman

DWL! JC, thanks but I am happy tuh say dat I am nat di wan widdi problem above.

Ennyway, sayme time as di dawta leggo info, shi guh rite inna di bawthroom and tekk out him fone outta him trowsiz pakkit. She look pandi history and write dung di chree numba dem dat shi did not rekkanize.

Den shi went back inna di kitchen and serve hout di dinna like annuh nutt'n.

Him come tuh di table and dem eat dem dinnah juss like usual and shi nuh sey nutt'n bout di discovery. Shi sey shi nevah want di dawta tuh tink it was a big deal an stawt run har mout agenn, suh from before di dinna serve shi did chanjj di subjeck widdi dawta.

[LusciousJohnson]

Re: Di odda ooman

crunch n munch

[CyberPhobic]

Re: Di odda ooman

Shi sey shi cood'n even sleep di nite sayka how shi a plan and a think bout how fi attack dis ting.

Shi wait til him gawwn a wurk di nexx day and a dat dey time shi decide fi conduck some research, stawting pon di computah, yuh nuh, like looking at him history and reading up pan some tings whe him leff henging bout di place.

Shi check bank account, bills and everyting tuh mekk sure sey nutt'n nuh outta synch.

Den all anna sudden, BAM, shi fine someting.

Shi fine di direct debit fi di school and di immunization paypa widdi nayme Dina pan it and fi dem lass nayme.

[LusciousJohnson]

Re: Di odda ooman

awoah

[CyberPhobic]

Re: Di odda ooman

Rite den and dere, shi vomit up lass nite dinna.

Shi sey every pore and orifice pan har bady opin up. Har false toot drap out, har batty loosen up and har bowel give way, har kidney dem fail and shi pee-pee pan harself and har hawt stawt tuh attakk har.

Wen shi look pan di paypa, a di sayme age as har dawta. Shi cood'n believe wat shi was looking at. Now nuh get dis wrang. Di paypa was not juss lying bout di place, it did well hide.

Shi tekkawf di address awfa di immunization paypa and jump inna har cyar. Shi use har GPS fi fine di address and drive rite ovah tuh di house. Shi sey shi was not sure what shi was gween do wen shi reach but shi had tuh follow har hawt.

[CyberPhobic]

Re: Di odda ooman

<div class="ubbcode-block"><div class="ubbcode-header">Originally Posted By: Fancy</div><div class="ubbcode-body">awoah </div></div>

DWL.

[LusciousJohnson]

Re: Di odda ooman

<div class="ubbcode-block"><div class="ubbcode-header">Originally Posted By: CyberPhobic</div><div class="ubbcode-body">Rite den and dere, shi vomit up lass nite dinna.

Shi sey every pore and orifice pan har bady opin up. Har false toot drap out, har batty loosen up and har bowel give way, har kidney dem fail and shi pee-pee pan harself and har hawt stawt tuh attakk har.

Wen shi look pan di paypa, a di sayme age as har dawta. Shi cood'n believe wat shi was looking at. Now nuh get dis wrang. Di paypa was not juss lying bout di place, it did well hide.

Shi tekkawf di address awfa di immunization paypa and jump inna har cyar. Shi use har GPS fi fine di address and drive rite ovah tuh di house. Shi sey shi was not sure what shi was gween do wen shi reach but shi had tuh follow har hawt. </div></div>

po ting

soh whappen nexx

[LusciousJohnson]

Re: Di odda ooman

<div class="ubbcode-block"><div class="ubbcode-header">Originally Posted By: CyberPhobic</div><div class="ubbcode-body"><div class="ubbcode-block"><div class="ubbcode-header">Originally Posted By: Fancy</div><div class="ubbcode-body">awoah </div></div>

DWL. </div></div>

stap laff nuh gwaan finish di story

[CyberPhobic]

Re: Di odda ooman

Shi guh a di house and pawk up cross di street suh shi could get har head tugedda before shi guh knock pan di ooman door. But, shi cood'n get up di nerves fi come outta di cyar, suh shi juss siddung dey a look pan di house and a think bout di bess way fi hangle dis autoclapsy.

Bout 45 minutes layta, shi si wah ooman prance outta di house wid wan a dem likkle pulp-hout yeye rat dawg unda har awrms. Shi a wear off-white spandex (yes inna di wintah) an UGGs an have wan big ole Jennifer Lopez sunglasses pan har fayce. Shi sey, a cyaah har dat but shi nuh tekk awwf har yeye offa har.

Shi watch har walk dung di street an turn inna wan Starbucks suh shi fallah har. Shi wait outside and noytiss sey shi tekk seat, suh shi pawk up and guh inside.

[LusciousJohnson]

Re: Di odda ooman

nuh mek yuh and mi inna nuttn y'ear

drop di full hundred nuh cho!

[CyberPhobic]

Re: Di odda ooman

<div class="ubbcode-block"><div class="ubbcode-header">Originally Posted By: Fancy</div><div class="ubbcode-body">nuh mek yuh and mi inna nuttn y'ear

drop di full hundred nuh cho!

</div></div>

Yuh nuh si sey a ongle limited mount a wurd yuh can type inna di new an improved sinting?

Mi a chry mahn. Juss hole awn dey an be patients. DWL @ patients.

[LusciousJohnson]

Re: Di odda ooman

<div class="ubbcode-block"><div class="ubbcode-header">Originally Posted By: CyberPhobic</div><div class="ubbcode-body"><div class="ubbcode-block"><div class="ubbcode-header">Originally Posted By: Fancy</div><div class="ubbcode-body">nuh mek yuh and mi inna nuttn y'ear

drop di full hundred nuh cho!

</div></div>

Yuh nuh si sey a ongle limited mount a wurd yuh can type inna di new an improved sinting?

Mi a chry mahn. Juss hole awn dey an be patients. DWL @ patients.
</div></div>

oh mi neva kno dat

ok mek i chry di patients ting

gwaan do yuh ting nuh

[Peasie]

Re: Di odda ooman

mi kanfuse to rawce

[CyberPhobic]

Re: Di odda ooman

Shi (let’s cawl har Alison) nevah kno sey shi did aguh end up a Starbucks but shi did dress nice suh shi nevah feel nuh way.

Wen shi guh inside shi noytiss sey har seat was in a very cozy section and chroo it was early inna di day, nuhbady was in dere more than suh, but since it was almoyse empty shi decide sey dis was an opportunity to have some privacy while shi mekk a new friend. DWL!

Shi sey shin at even kno a whe di nerve went but all Hoffa sudd’n, shi feel confidence sweep ovah har and shi mawrch ova tuh di JLo wannabe and hawks if shi could join har chroo di place suh empty. JLo was surprisingly friendly and move di dawg outta di way suh shi could sit inna di odda armchair.

Shi introduce herself and immediately stawt talk bout how har four-yr-ole a wear har hout and how shi juss drap har off at school and will have tuh pick har up inna couple hours suh juss wanted some “me-time” away.

Alison chime in wid di coincidence of having a four yr ole tuh an offered some tips etc. Shi decide fi tekk it slow sayka how shi was surprise sey JLo was suh nice.