One Time...

[sistactry]

Re: One Time...

guwhey Nunya, u neen know say me is high maintenance and very hexpensive.., [img]/forums/images/graemlins/tongue.gif[/img] tan deh..,

a neen juss de watch she flush.., a did couple rings too.., one a de ring me did buy me sister fe har birthday, and no ask if me never feel bad say me have de ooman ring and mek dis flipping pickney go flush ie down tilet.., [img]/forums/images/graemlins/mad.gif[/img]

[Nunya]

Re: One Time...

Yuh mean de ring whe yuh did tell mi bout? De one fram de cracka jack box??? *oh dear*

[j-kid]

Re: One Time...

Yuh noh wan day wen mi an mi bredda did small an bored, wi decided fi compare di size ah ( lets just sey) wi manhood. [img]/forums/images/graemlins/blush.gif[/img] Soh while wi ah duh dat wi hear smaddi ah come. Mi zip up quick, an mi bredda ha try hurry fi duh di same an get di skin ah him manhood get caught inna di zippa. Rahtid, mi noh know how him noh did ball out loud, ah gues di fear ah wha dem would ah du tu wi if dem did si wi, was worst dan di pain im did ah feel. All mi caa tell yuh is mi neva si so much blood inna mi life. Mi totally figet wha mi dida goh touch ah run tu di aid ah mi bredda, fi help him untangle himself fram him predicament. Needless tu sey, wi neva compare who bigga afta dat day. [img]/forums/images/graemlins/blush.gif[/img]

[Nunya]

Re: One Time...

Das cawse eena yuh mind yuh knoa yuh dun win caw im laas bout a good inch... a lie??? [img]/forums/images/graemlins/704555_dwl.gif[/img]

[j-kid]

Re: One Time...

[img]/forums/images/graemlins/704555_dwl.gif[/img] Yuh bad yuh noh! [img]/forums/images/graemlins/704555_dwl.gif[/img]

[sistactry]

Re: One Time...

Originally posted by Nunya:
[qb] Yuh mean de ring whe yuh did tell mi bout? De one fram de cracka jack box??? *oh dear* [/qb]

***kisstooth****

[Leonie]

Re: One Time...

lawd this a tread ese mi hi blood pressure. Nunya come with some more- seemed you had a good life in a Jones Town- weh you did live pan Love lane?

[Nunya]

Re: One Time...

Nah, grew up on Grove Road in Kencot. Lived in Jones Town for two years only...on Argyle Street...

One time when mi did bout 4 an mi bredda was chree, wi didda bathe wid wi faada.

Im used to soap wi up an put wi one side, den soap up imself an den everybady rinse awf one by one an come out.

So one day when mi a mi bredda a wait fi get rinse off, mi notice supm an say to daddy, "Yuh nuh dun rinse off. Si some soap deh pan yuh buddy."

[img]/forums/images/graemlins/704555_dwl.gif[/img]

De man bawl out fi wi madda same time, fi come tek wi outta de bawtroom. Hear im nuh, "Afta mi neva knoa say dem have sense!"

An dat was de end of dat.

[img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

[mountaingal]

Re: One Time...

Originally posted by Ctry:
[qb] lawd gad (((((Jammy)))))da one deh hat man.., [img]/forums/images/graemlins/frown.gif[/img]

hug up ((((JusCool))) deh fe me..., lang time man..,

anyhows, u remind me a one time me sister nuh go tek faas and go inna house fe me modder likkle jewelery case wid har findangles dem inna it.., and chruss me, inna dem days, dem never ha wash over.., a did de reeeeal ting..,

anyhow, rain did a fall hawd de week, and true we live nuh far from one gulley, de eediat gal nuh decide fe go sid down and look pon me modder jewelry dem a wash whey down de gulley..,

u wudda tink a me sister me did sarry fah..,

no sah.., a did me modder.., me modder bawl, she bawl, [img]/forums/images/graemlins/frown.gif[/img] [/qb]

oh lawd ctry...you poor mama. fe me madda couldn even bawl when she fine out seh me sista dem pap up har good good gole chain an use fe hopscotch...

[Leonie]

Re: One Time...

Buddy - Lord lang time mi no hear it called by that name. Buddy- mi a dead with laff

[Leonie]

Re: One Time...

Buddy - Lord lang time mi no hear it called by that name. Buddy- mi a dead with laff.

Guess wi all have seen Dad's buddy

[sistactry]

Re: One Time...

((((mg))))) imagine now.., u see how life nuh fair doe, imagine, i was older, and a musse so me use to see har duh choopidness and wonda a whey dis pickney come from, anyway.., mek a never fe har pickney grow up and flush whey har jewelry, mek feme duh dem tings deh.., [img]/forums/images/graemlins/mad.gif[/img]

((((lee))) u luv da wud deh een.., [img]/forums/images/graemlins/laugh.gif[/img]

yes chile, a nuff daddy buddy we see as children.., but we never tek it fe nutten.., [img]/forums/images/graemlins/blush.gif[/img]

'daddy..look deh' dats all we use to say.., and him fix it and still a talk.., [img]/forums/images/graemlins/laugh.gif[/img]