JAM Hay Kah land we love

[CyberPhobic]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: Annoyance</div><div class="ubbcode-body">chue chue to Gawd *<span style="font-style: italic">pit pan mi finga an pint uppa sky</span> a no lie mi a tell fi real. awks yuh counsin if yuh tink a lie mi a tell </div></div>

Oh God!!!

Mi jus cawl mi cousin and him say is chroo. Him say him use him fadda ole marrina, but a fi sentimental reasons.

[MeChrissy]

Re: JAM Hay Kah land we love

si sey a no lie mi a tell

mi country nayba used to use har ozban ol andapants an bade, di sed one whey im ded inna, fi di sed reasons...sentimental

[CyberPhobic]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: Annoyance</div><div class="ubbcode-body">si sey a no lie mi a tell

mi country nayba used to use har ozban ol andapants an bade, di sed one whey im ded inna, fi di sed reasons...sentimental </div></div>

A reggulah ting dat it seem. My goodness.

[MeChrissy]

Re: JAM Hay Kah land we love

Mi fren, mi sey mi haffi come back come gie yuh dah joke yah wha appen to mi one time uppa country.

One man inna di distrik whey mi hear evrybaddy call Mass Talbott use to heng out a mi cousin shap uppa country, everyday im junk an a cuss pple. One day mi gope a country inna 07 wen mi was dey a yawd and go si Mass Talbott, me now as an adult now, a tink sey people Jamaicanize him name Talbert an call him Talbott. So mi goat a road di evelin go seem sidung pan im favaritt piece seat whey dem bill pan di shap side a jrink sitten outa clear glass. The convo went like dis:

Me: Whaapen Mass Talbert?

Him: Sip fram him glass and look paw mi.

Me: A wha dat yuh a drink sar?

Him: Wha yuh juss call mi?

Me: Talbert, no so yuh name?

Him: A whey pawt yuh get dat fram?

Me: Mi tink a so yuh did name sar?

Him: Sip agen and blink bout 10 times.

Me: Well mi tink a so yuh did name and people spwile yuh name and call yuh so sar...how yuh spell yuh name den? (innocently wanted to know if mi rite R rang)

Him: <span style="font-style: italic">pudung di glass pan di bench beside him</span> stanup and start to pint inna mi face, blinking and a sway inna circle.

Me: BOAL

Him: tek up back him glass an fling eh afta mi, mi shiff the glass but him wet mi up wid im rum

Mississ, di man gimmi some breed a dutty tory, wich pawt a mi mi fi go wash an all di dutty tings yuh can tink bout. Mi laff till mi naily dead. Lata mi know di real reason why him was so mad. Mi learn him cyaa read or rite. So him tink mi was freshin wid him wen mi tell him fi spell him name, knowing he cant.

So all now mi still no know if the name Talbott is Talbert or actually Talbott.