..talking bout Burial plot..

[X]

Re: ..talking bout Burial plot..

<div class="ubbcode-block"><div class="ubbcode-header">Originally Posted By: VeryTiredSkelly</div><div class="ubbcode-body">wah di diffrance betwix blakk duppy an coolie duppy? </div></div>

Yuh woulda need fi ask di elders dat.
But mi naah deh try fi find out.

All me know dem rathid duppy deh did responsive.

memba wan nigh mi and some bigger youths from the area did a walk a come dun from cedar valley.
Now u dun know how country road DAAAAARK
Only ligt a di peenie wallie and di light from mi ole man shop and bar inna di distant.
Wi a step it fast a come off di hill.. The road steep, suh the accent a pull wi inna a kinda walk/run..
Mi meba di moon come from behind di cloud fi a few sec, and shine a light gainst a reflective yellow PWD (Public Works Department) sign whey did gainst a hole dug inna di side a di road..
Suh a thought hit me .. &quot;What if that sign should suddenly drop as mi point pon it??&quot;
Suh one a di elders name perry a stride it likkle behide mi..
We deh chat bout duppy and who get bax by duppy and whey fi duh fi confuse duppy if dem a fallow yuh..
Suh mi guh &quot;Perry, talking bout duppy, what a thing if all of a sudden dat sign deh should dr....(and mi lift up mi finger fi point) .. &quot; all of a sundden the mi see di sing lean and DROP!!!!!

Mi seh mi ongle hear &quot;Whosh!!!!&quot; a Perry and Trevor dat a puddun some rathid knee lift leff poor likkle mi..
Mi just squinge up mi eye suh mi can only see the light a di shop, and no duppy when deh dbehind mi.. and run like a friking bat outta hell.
Chus mi, if Bolt was around dem time deh, him would look and guh.. &quot;blow wow! dem youth deh faaaas!&quot;


mi a tell yuh.. St. Thomas + Coolie Duppy .. maan mi would neva voluntary guh back guh deal wid dem deh singting deh again.

[X]

Re: ..talking bout Burial plot..

<div class="ubbcode-block"><div class="ubbcode-header">Originally Posted By: evanovitch</div><div class="ubbcode-body">Ja has gone high tech..u juss cannot dig hole an bury dese days..u haffi worry bout water table etc etc </div></div>

mi a guess if u have a vault, u nuh need fi worry bout contaminating water table.

Yuh woulda tun prehistoric bones long before the concrete vault deteriorates.

[evanovitch]

Re: ..talking bout Burial plot..

not dem nowaday cement..fi all u know is pure flour wid likkle cement