JAM Hay Kah land we love

[MeChrissy]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: KwaakuBush</div><div class="ubbcode-body">Di adda big ting is the street party dem.

Let me tell you some ting, you si all wen satdey night bout 7 pm come round? If you no done talk to di people dem inna you house without shouting by then, you salt. Di MUSIC LOUD, IT LOUD, IT LOUD so til.

Dat dey music stawt and no stop befo 6 am Sunday. Memba sey ole people and pickney live bout di place you nuh, but you tink that mean ennything? Di music, di cussing and di whole heep a nize, is someting to experience mi telling you.

Mi go tek fass go a di gate and nerely drap dung wen mi see the MATTRESS dem whe inna di miggle road, whe dem a dance pan, wid the PAPPARAZZI dem a fight fi tekk pitcher. </div></div>Yes mi dear. Some breed a outa-awda-niss whey mi hear sey dem a gwaan wid wen dem a kip dance....more dan site fi behole...some tings dem do fi &quot;entatane&quot;

PAPPA...wharrait?

[CyberPhobic]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: Annoyance</div><div class="ubbcode-body">Arrite mi belive yuh bout di hag. Country pple are known fi nyam nuff and faws, dem no chaw dem food....well mose a dem LOL

Wedden mi backfoot? lol a dem same kine a dressin mi a tawk...hot out...dem gyal no joke eh no...den yuh nay si any wid dem neck fulla powda?

A fun fi si dem a weeken evelin time wen dem bade an coom outa road tannup an lean up pan shap side a rub to some ole-its, a rub out dem sundey bess back pan di pebble dash. Like di laws time mi gaw one country side an si one possie a &quot;haaaaawt&quot; girls a walk dung di street...di wolla dem gat awn powda anda dem neck trait to dem chin, dem shine like dem drain out coknat hile bakkle an rub dem baddy...den wen yuh si di powda blen een wid di hile, it look like dem gat liva spat. yuh juss haffi look inna wandament as dem bunx an go choo. </div></div>



You a kill mi to mumma.

Mi auntie dawta an son a wan a dem. Yuh si awl wen dem done bade and ile up? Mi Madda, a wan trail a ile dem a leff backa dem. Wha yuh mean man? A cokenat ile fi chroo. Fi mi cousin use it right outta di cokenat ile bacckel. Him use di ile inna him hair, pan him face, him heel back and you si wen him done wipe awwf di excess widdi rag whe him plan fi have hang outta him back pakkit? Him use it shine awwf him shoes.

Dat man is the bonifide multiuser. Him cheap no fawt and will squeeze awwf de ackee offa di dolla coin.

[MeChrissy]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: KwaakuBush</div><div class="ubbcode-body">Mi come to fine out sey dat the MATTRESS ting a di IN TING. Ooman cyaary dem own mattress go a dance fi dance pan CREATIVELY.

Wan a di man dem who mi meet come visit me and tell me sey a reglaw ting dat.

Anyway, mek mi go over Dear K go tell you someting bout dis man.

</div></div>di lent some pple go fi prove natta ting

man mussi naw go a dem yawd inna dem bed so dem haffi bring eh goat a road dem no easy atall.

[MeChrissy]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: KwaakuBush</div><div class="ubbcode-body">



You a kill mi to mumma.

Mi auntie dawta an son a wan a dem. Yuh si awl wen dem done bade and ile up? Mi Madda, a wan trail a ile dem a leff backa dem. Wha yuh mean man? A cokenat ile fi chroo. Fi mi cousin use it right outta di cokenat ile bacckel. Him use di ile inna him hair, pan him face, him heel back and you si wen him done wipe awwf di excess widdi rag whe him plan fi have hang outta him back pakkit? Him use it shine awwf him shoes.

Dat man is the bonifide multiuser. Him cheap no fawt and will squeeze awwf de ackee offa di dolla coin. </div></div> Dem country pple reely know how fi multi-use dem tings. Tan dey, an no mean yuh cousin mean, im juss know ow fi multi use im tings dem

Mi juss a notiss yuh name...as wi dey pan di tapik of coutry hygene...mi a guess yuh memba an noe di bush sey a country pple bading rag and soap inna one. Pple used to use kwaskubush an bade wen dem gaw riva....watta sitten sumell green an ugly. Sed way it sumell, sed way dem sumell wen dem done bade...yuck!

[CyberPhobic]

Re: JAM Hay Kah land we love

Den nuh dat.

A di same way some a di vissitar dem cyarry dem proverbial mattress from forrin guh dung you nuh.

[MeChrissy]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: KwaakuBush</div><div class="ubbcode-body">Den nuh dat.

A di same way some a di vissitar dem cyarry dem proverbial mattress from forrin guh dung you nuh. </div></div>Yuh a foase mi now fi tap fraw beleeve yuh eh no.

[CyberPhobic]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: Annoyance</div><div class="ubbcode-body"> Mi juss a notiss yuh name...as wi dey pan di tapik of coutry hygene...mi a guess yuh memba an noe di bush sey a country pple bading rag and soap inna one. Pple used to use kwaskubush an bade wen dem gaw riva....watta sitten sumell green an ugly. Sed way it sumell, sed way dem sumell wen dem done bade...yuck! </div></div>



Den nuh das why mi use di name. A dat same bush mi cousin use bade. A chroo di man no waan buy soap. Him say a babylan tings dat. Dwl. Fi him rag a fi hang outta him back pakkit not fi wet up and hang pan line. Him sey him a natural man, which explain di cokenat ile and him adda cheap ways.

Mi sey dat bush get suds yuh woodn't believe. But you right, it tink bad.

In a di dance, if a no dat you smell, a di Carbolic.

[MeChrissy]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: KwaakuBush</div><div class="ubbcode-body">



Den nuh das why mi use di name. A dat same bush mi cousin use bade. A chroo di man no waan buy soap. Him say a babylan tings dat. Dwl. Fi him rag a fi hang outta him back pakkit not fi wet up and hang pan line. Him sey him a natural man, which explain di cokenat ile and him adda cheap ways.

Mi sey dat bush get suds yuh woodn't believe. But you right, it tink bad.

In a di dance, if a no dat you smell, a di Carbolic. </div></div>Mi neva use eh, but wen mi did live a country and used to falla dem gal gaw riva dem used to use eh an bade...yuck!

Yesssss di carib carbolic soap hahahahahaha dem used to gaw riva, wash plate an pat wid di soap an den tun roun use di sed soap an bade country pple really noe how fi multi use dem tings dem bra bra...den wen yuh si dem bade done an a gome wid dem bawskit a plate pan dem ed...dem skin fava like bran new pots an pans...dem silva from how dem white afta dem done bade wid di carbolic soap

[CyberPhobic]

Re: JAM Hay Kah land we love



Well a mussi dat why mi cousin cokenat ile bottle is at arms reach all di time for the bush dry out him skin same way.

[MeChrissy]

Re: JAM Hay Kah land we love

...an mi no noe eh no. but mi si some a dem use di sed carbolic soap as loyshan dem wipe dem wet rag (which is nawmally piece a ol chowzizz, skirt or frack) and wipe dem skin...miracle soap dat is, caws wen dem bade widdi dem yt, but yet dem use dat very soap fi tun loyshan yuh tink dem mix eh wid di coknat ile caws dem like di sent whey di carbalik soap gat?

[Bizzy]

Re: JAM Hay Kah land we love

BOAL @ this thread

Annoyance nice to see u bout de place..

Kwaaku, mi nuh know u...so welcome

[MeChrissy]

Re: JAM Hay Kah land we love

whaapen dey? mi soon gone agen. Mi an mi fren a reminiss.

[CyberPhobic]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: Annoyance</div><div class="ubbcode-body">...an mi no noe eh no. but mi si some a dem use di sed carbolic soap as loyshan dem wipe dem wet rag (which is nawmally piece a ol chowzizz, skirt or frack) and wipe dem skin...miracle soap dat is, caws wen dem bade widdi dem yt, but yet dem use dat very soap fi tun loyshan yuh tink dem mix eh wid di coknat ile caws dem like di sent whey di carbalik soap gat? </div></div>

But Jezas!! Yuh see how you love tell lie pan country people? Mi nat laffing.

<span style="font-style: italic">Hide mi mout backa mi sweater neck</span>

[MeChrissy]

Re: JAM Hay Kah land we love

chue chue to Gawd *<span style="font-style: italic">pit pan mi finga an pint uppa sky</span> a no lie mi a tell fi real. awks yuh counsin if yuh tink a lie mi a tell

[CyberPhobic]

Re: JAM Hay Kah land we love

<div class="ubbcode-block"><div class="ubbcode-header">Originally Posted By: Bizi_Q</div><div class="ubbcode-body">BOAL @ this thread

Annoyance nice to see u bout de place..

Kwaaku, mi nuh know u...so welcome </div></div>

Tank you dear Bizi. U know mi doe.